Hjálpum fólki að skilja dýrin sem það deilir lífinu með
Hundakúnst varð til af djúpstæðri umhyggju fyrir hundum, öðrum dýrum og fjölskyldunum sem taka þau inn í líf sitt. Starf okkar snýst ekki eingöngu um að kenna hundum að lifa með fólki, heldur líka um að hjálpa fólki að skilja hvernig það getur lifað betur með hundinum sínum.
Sagan á bak við Hundakúnst
Það byrjaði með umhyggju og varð að leið til að hjálpa öðrum
Sagan af Hundakúnst hefst á einum mjög sérstökum hundi. Fljótt varð ljóst að hann krafðist allt annarrar og dýpri nálgunar en hefðbundin hundanámskeið gátu boðið upp á. Löngunin til að fræðast sem allra mest til þess að hann fengi sem allra best líf varð kveikjan að því sem Hundakúnst er í dag og leiddi á endanum til faglegs náms í hundaþjálfun.
Þessi reynsla mótaði alla hugmyndafræði fyrirtækisins. Hún undirstrikar að þjálfun á ekki að snúast um að láta hunda passa inn í fyrirfram ákveðinn ramma, heldur frekar um að finna út hvernig við getum komið betur til móts við þá á þeirra eigin forsendum.
Hundakúnst var stofnað til að deila þessari þekkingu áfram. Markmiðið er að hjálpa eigendum að byggja upp sterkari og dýpri tengsl við hundana sína og skapa hversdagslíf þar sem bæði fólk og dýr finna fyrir öryggi, virðingu og skilningi.
Okkar trú
Við trúum því að tilfinningar séu jafn mikilvægar öllum og hamingjuríkt líf sé réttindi allra einstaklinga. Af þeirri ástæðu á hundur ekki aðeins að þurfa að aðlagast okkar heimi, heldur þurfum við líka að læra að skilja heim hundsins.
Hver einasti hundur hefur þarfir, tilfinningar, eðlishvöt og sínar eigin leiðir til að tjá sig.
Þegar við lærum að taka eftir og virða þessi merki verður lífið saman skýrara, hlýrra og í betra jafnvægi.
Það sem Hundakúnst stendur fyrir
Við trúum því að tilfinningar séu jafn mikilvægar öllum og hamingjuríkt líf sé réttindi allra einstaklinga
Jákvæð styrking að leiðarljósi
Árangur byrjar með skilningi. Við notum nútímalegar og sannreyndar aðferðir þar sem áherslan er á umbun, traust og skýr samskipti, aldrei þvinganir.
Vinskapur og tengsl
Hundar eru fjölskyldumeðlimir. Við hjálpum þér og hundinum þínum að læra saman og byggja upp djúpstæð tengsl, traust og vináttu sem endist ævina út.
Við kennum fólkinu
Okkar stærsta áhersla er á fólkið á bak við hundinn. Upplýstir og öruggir eigendur eru stærsti áhrifaþátturinn þegar kemur að velferð og hamingju hunda.
Heildræn vellíðan
Gott líf snýst um meira en bara þjálfun. Hrein og heilnæm næring ásamt réttum búnaði leggur mikilvægan grunn að líkamlegri og andlegri vellíðan hvers hunds.
Betra líf saman
Lífið með hundi er vinskapur. Það byggist upp á hverjum einasta degi í gegnum litlu atriðin: hvernig við bregðumst við, hvernig við leiðbeinum, hvernig við sköpum öryggi og hvernig við leyfum hundinum að blómstra á sínum eigin forsendum.
Hjá Hundakúnst hjálpum við fólki að nálgast hundana sína með dýpri skilningi og aukinni meðvitund. Við styðjum eigendur í að skapa heimili þar sem hundum er ekki bara stjórnað, heldur eru þeir skildir. Heimili þar sem tekið er tillit til þarfa þeirra og litið er á hegðun sem samskipti. Þannig verða tengslin sterkari, einfaldlega vegna þess að báðir aðilar finna fyrir skilningi.
- Við kennum fólki að lesa í tjáningu hundsins og vinna með honum í gegnum jákvæða styrkingu.
- Við leggjum áherslu á að byggja upp djúpt traust svo hversdagslífið verði rólegra og skemmtilegra fyrir ykkur bæði.
- Við horfum á heildarmyndina þar sem góð þjálfun, hágæða næring og líkamleg vellíðan fara alltaf saman
- Við veitum eigendum þau hagnýtu verkfæri og þá fræðslu sem þarf til að gefa hundinum sitt allra besta líf.
Af hverju þessi nálgun skiptir máli
Af því að hundar lifa í okkar heimi
Við ætlumst gjarnan til þess að hundar aðlagist heimilum okkar, okkar væntingum og okkar reglum. Til þess að það gangi upp og þeir fái notið sín þurfa þeir hlýja og réttláta leiðsögn sem hjálpar þeim að finna fyrir öryggi, ró og skilningi.
Af því að eigendur þurfa líka stuðning
Margar áskoranir í hversdeginum spretta einfaldlega af misskilningi eða skorti á þekkingu. Þegar við valdeflum eigendur með fræðslu og réttum hagnýtum verkfærum verða þeir betur í stakk búnir til að taka frábærar ákvarðanir fyrir hundinn sinn.
Af því að heildræn vellíðan breytir öllu
Hundi sem líður vel, finnur fyrir öryggi og á góðan vin á mun auðveldara með að læra og treysta. Góð líkamleg heilsa og andlegt jafnvægi er algjör grunnur að því djúpa og fallega samstarfi sem við viljum öll ná fram.
Vöxtur Hundakúnst
Sameiginleg sýn studd af djúpri sérfræðiþekkingu
Það sem byrjaði sem leit að betra lífi fyrir einn sérstakan hund varð fljótt að miklu stærra verkefni. Eftir því sem Hundakúnst óx bættist fleira fólk í hópinn og kom með sína eigin sérfræðiþekkingu, reynslu og sýn að borðinu. Þrátt fyrir ólíkan bakgrunn sameinast allt teymið um eina sterka hugsjón: Við trúum því að tilfinningar séu jafn mikilvægar öllum og hamingjuríkt líf sé réttindi allra einstaklinga.
Í dag byggir Hundakúnst á öflugu teymi þjálfara og sérfræðinga sem vinnur með hundum og eigendum á mjög fjölbreyttan hátt. Sum okkar einblína á hegðun og hversdagslíf, á meðan önnur leggja áherslu á markvissa líkamsþjálfun, styrk og færni. Við veitum haldgóðan stuðning í gegnum alla vegferðina, hvort sem markmiðið er að takast á við áskoranir heimilishundsins, eða að byggja upp framúrskarandi samstarf fyrir krefjandi verkefni og hundaíþróttir. Með því að tvinna saman þessa þekkingu hjálpum við fólki að skapa betra, öruggara og innihaldsríkara líf með hundunum sínum.
Fólk sem sameinast í djúpri umhyggju fyrir dýrum
Á bak við Hundakúnst stendur teymi sem ber djúpa umhyggju fyrir hundum og öðrum dýrum. Hver og einn er með sína sérfræðiþekkingu en markmiðið er alltaf hið sama; við vinnum að því að bæta lífsgæði dýra og hjálpa hundaeigendum að byggja upp sterkari tengsl við hundana sína með velferð þeirra að leiðarljósi.
Vilhjálmur Þór Gunnarsson
Hegðun, hlýðni og fræðsla
Veitir faglega ráðgjöf og hagnýt verkfæri til að byggja upp færni, leysa hegðunartengdar áskoranir og auka hlýðni.
Erla Sævarsdóttir
Hegðun, fræðsla og leiðsögn
Hjálpar eigendum að öðlast dýpri skilning á því hvernig hundar læra, bregðast við umhverfi sínu og afhverju
Sara Sif Sigfúsdóttir
Hundaþjálfari og snyrtir
Aðstoðar óörugga hunda við að finna öryggi og fá stuðning í gegnum þolinmæði, jákvæða styrkingu og umhyggju.
Sara Rut Sigurðardóttir
Stress, merkjamál og styrkur
Brennur fyrir því að aðstoða hunda með kvíða og streitu. Sérhæfir sig í líkamsmáli hunda og styrktarþjálfun, og veitir eigendum hagnýt verkfæri til að styðja við sinn hund.
Sandra
Sjúkraþjálfun og osteópatía
Styður við líkamlega líðan, hreyfigetu og heildarvellíðan hunda með sérhæfðri líkamsmeðferð og syrktarþjálfun
Loforð okkar til eigenda
Þegar þú leitar til Hundakúnst ertu að treysta okkur fyrir einhverjum sem skiptir þig öllu máli. Við tökum því trausti af mikilli alvöru.
Við mætum hundum og eigendum með þolinmæði. Við leggjum okkur fram um að skapa öruggt umhverfi þar sem bæði maður og hundur geta lært, vaxið og fundið fyrir traustum stuðningi.
Hundurinn þinn er hluti af fjölskyldunni. Okkar hlutverk er einfaldlega að hjálpa þeirri fjölskyldu að skilja hvort annað betur.