Þjálfaðu hundinn þinn með sannreyndum og jákvæðum þjálfunaraðferðum. Hvort sem þú ert að undirbúa keppni, búa til vinnuhund eða að ala upp hinn fullkomna heimilishund fyrir fjölskylduna erum við með þér alla leið!
Hjá Hundakúnst trúum við því að tilfinningar séu jafn
mikilvægar öllum og hamingjuríkt líf sé réttindi allra einstaklinga. Með því að nýta jákvæða styrkingu í hundaþjálfun styrkjum við vinskap sem byggist á trausti og virðingu.
Námskeið fyrir heimilishundinn: Við bjóðum uppá hundaþjálfun fyrir þá sem að vilja búa til hinn fullkomna vinskap, byggðan á trausti og gleði.
Keppnisþjálfun: Við bjóðum uppá keppnisþjálfun fyrir hunda í hinum ýmsu íþróttum fyrir byrjendur og lengra komna. Þessa fjölbreytni getum við boðið vegna frábærs samstarfs við heimsklassa erlenda kennara.
Sérhæfð þjónusta: Fyrir fagfólk sem notar hunda í vinnu. Í gegnum samstarfsaðila getum við boðið flest alla sérhæfða þjálfun hunda sem völ er á ásamt eftirfylgni.
Vörur: Við bjóðum uppá fáar en góðar hundavörur sem
að eiga það allar sameiginlegt að styðja við markmið okkar að gefa hundinum sem allra hamingjuríkast líf.
Við bjóðum upp á hundaþjálfun á netinu fyrir þá sem að sjá sér ekki færi á að mæta í tímana. Hvort sem að þú vilt fá netnámskeið eða einkatíma þá getur þó bókað það hjá okkur. Með sumum námskeiðunum eins og t.d. Grunnnámskeið fylgir með netnámskeið þannig að þú getur séð myndbönd af æfingunum á milli tíma. Þannig getur þú skoðað myndbönd af því sem að við gerum í tímanum til upprifjunar eftir tíman.
Mér fannst þetta örnámskeið mjög fræðandi og þó það væri ekki langt þá hjálpaði það mér til að vinna með tíkinni minni.
Þetta var fróðlegt og skemmtilegt. Lærðum helling og ætlum að halda áfram að æfa okkur😁
Ég og Týri skelltum okkur á helgarnámskeið sem var alveg magnað mér hefði ekki dottið í hug hvað er hægt að kenna hundinum og ná athygli hans fljótt Villi er alger snillingur og góður leiðbeinandi Týri er allt annar hundur finnst hann vera öruggari með sig og bara nokkuð skemmtilegt að fara með hann í göngutúr en hann á margt ólært. Takk fyrir okkur Kv Kristín og Týri
Þetta var mjög lærdómsríkt og á eftir að hjálpa mér ekkert smá mikið þegar kemur að því að þjálfa hundinn minn. Leiðbeinandinn var mjög hjálplegur og skemmtilegur, þótt að þetta hafi verið stuttur tími þá eru þessar leiðbeiningar eitthvað sem að ég á eftir að nota með hundinn minn núna og alla mína hunda í framtíðinni.
Takk kærlega fyrir mig og hundinn minn.
Námskeiðið var snilld ! Góður fræðilegur grunnur og vel útskýrðar æfingar. Góð persónuleg aðstoð við að ná tökum á hundinum sínum og æfingunum.
Mjög góð fræðsla og kennsla hjá Villa. Gaf hverjum og einum góðan tíma og þolinmæði. Lærði svo mikið og nú er að æfa það. Væri svo mikið til í framhald eftir nokkra mánuði. Millý mín 3ja man lærði helling og við báðar.
Mæli 100% með. Takk fyrir mig og Millý
Þetta voru æðislegar æfingabúðir frábært fólk og þjálfarar. Lærðum svo mikið og höfðum mjög gaman. Verðum klárlega 2025.
Missti af 2023, tóku þátt 2024 og ætlum ekki að missa af 2025 🥳.
Það er ekkert skemmtilegra enn að vinna með besta vin sinn í skemmtilegan hóp af hundafólki með frábæra kennarar.
Og það 5 dagar í röð 😍 Get ekkert annað enn að mæla 1000% með.
Frábært námskeið sem við lærðum helling á. Bæði fengum við verkfæri til að styrkja hundinn og okkur sjálf sem eigendur. Fengum einnig góða leiðsögn um ýmislegt sem við vildum fræðast um til að verða enn betri hundaeigendur. Mæli eindregið með fyrir bæði nýja og gamla hundaeigendur þar sem margt kemur fram sem maður bara áttar sig ekki á fyrren maður heyrir það útskýrt vel :)
Flott námskeið sem fer vel yfir þjálfunar leiðir og uppbyggingu a æfingum
Ég er mjög ánægður með þetta námskeið. Frábær kennari og mjög gagnlegt námsefni sem fylgir á netinu. Mæli með.
Mjög skemmtilegt og notalega stemmning þarna, ekki of margir hundar í einu og hver og einn fèkk nægan tíma með kennaranum :)
Var í fyrra. Mjög ánægð með umgjörð, kennara og aðstaðan alveg frábær líka. Mæli svo sannarlega með
Mér fannst námskeiðið í alla staði gott. Við tokum með okkur mjög góðar upplýsingar og námsgögn til að vinna með. Ég hef tvisvar áður sótt námskeið fyrir hunda og mér fannst þetta taka þeim fram. Við Matti þökkum fyrir okkur.
Við hjónin skelltum okkur á unghundanámskeið með Krummann okkar sem var þá 6 mánaða. Hann er og var gersamlega ofvirkur en yndislegur í alla staði. Við hjónin lærðum helling og það hjálpaði okkur að finna grunnin okkar að góðri sambúð með Krummanum. Allt er svo einfallt þegar maður kann það og til ykkar Hundakúnst, takk fyrir frábæra leiðsögn og skemmtilegt námskeið. Þetta var það sem okkur vantaði. Við hjónin og Krummi the Dog sendum okkar bestu kveðjur héðan úr Grímsnesinu og takk fyrir okkur.
Flott námskeið sem ég lærði fullt af nýjum hlutum á sem eiga eftir að nýtast okkur Dreka vel. Frábært að fá vídeó og geta byrjað að æfa fyrir námskeiðið.
Er mjög ánægð með fræðslu og kennslu á þessu námskeiði. Eina að það var frekar langdregið þar sem allir þurftu leiðbeiningar en það er eðlilegt sjálfsagt. Hef aldrei áður farið á svona námskeið.
Mjög ánægð með þetta námskeið og lærði hellum nú er bara að æfa og æfa
Frábært námskeið til að fá betri þekkingu hvernig maður þjálfar hundinn sinn
Villi náði alveg til okkar með þeim aðferðum sem hann kenndi okkur og samtölum okkar í gegnum tímana. Hundurinn elskaði hann og allt sem hann hefur kennt okkur að gera saman. Villi las okkur, hundinn og aðstæður vel og fengum heiðarlega og góða ráðgjöf og kennslu frá Villa, 100% meðmæli - mætum núna fólki og hundum í taumgöngu sem við gerðum ekki áður, leikum okkur með krefjandi verkefni bæði inni og úti. Hundurinn og eigendur alsælir.
Frábært námskeið fyrir þá sem vilja taka sín fyrstu spor í keppnishlýðniþjálfun. Grunnæfingar sem nýtast líka í daglegu lífi.
Virkilega gott námskeið þar sem farið var yfir öll helstu atriði grunnþjálfunar hvolpa. Erla & Villi hjálpuðu okkur að byggja upp grunn með hvolpinum okkar. online námsefnið var einnig gagnlegt til þess að rifja upp milli tíma og til þess að undirbúa sig fyrir þann næsta. Námskeiði mætir misjöfnum kröfum hunda sem sækja tíma og okkur var mætt með sveigjanleika til þess að æfa/leggja áherslu á þá hluti sem okkur vantaði aðstoð með. Mæli hiklaust með þessum tíma fyrir alla hvolpa eigendur.
Gaman að sjá nýjar og öðruvísi aðferðir til þess að ná til hundsins þíns. Ég sem hundaeigandi var miklu öruggari að ég væri að gera rétt eftir þetta námskeið. Yfirvegaður og rólegur þjálfarinn.
