Teymi sem byggir á umhyggju, þekkingu og velferð dýra
Teymi Hundakúnst samanstendur af fólki með fjölbreytta sérfræðiþekkingu en við deilum öll sama tilganginum: að gefa hundum sitt allra besta líf með því að fræða eigendur og veita þeim þau verkfæri sem þarf til að skapa vinskap og hamingjuríkt samlíf.
Það sem stýrir starfi okkar
Virðing fyrir dýrum
Við sjáum hunda sem einstaklinga með sínar eigin þarfir, tilfinningar og leiðir til að tjá sig.
Stuðningur við eigendur
Við veitum eigendum þá fræðslu og það sjálfstraust sem þarf til að geta tekið betri ákvarðanir í daglegu lífi hundsins.
Vellíðan sem grunnur
Við trúum því að andleg og líkamleg vellíðan sé algjör lykill að góðri frammistöðu, einbeitingu og gleði í allri þjálfun.
Erla Sævarsdóttir
Behaviour, owner guidance and learning
Erla sameinar nákvæmni með djúpri þekkingu á hegðun hunda og hvernig þeir læra. Hún notast við fræðilega nálgun, er afar nákvæm í öllum þáttum sem tengjast því hvernig hundar læra og gefur sér tíma til að skilja hundinn. Með því að nota jákvæða styrkingu tryggir Erla ekki bara að notast við árangursríkar þjálfunaraðferðir heldur einnig að styrkja samband eiganda og hunds og leyfa öllum að njóta sín í lærdómsferlinu.
Expertise
- Vinnuhundar, veiði og hlýðni
- Hegðun og samskipti
- Fræðsla og kennsla til eigenda
- Jákvæð styrking
- Lærdómskenningar
- Styrkja vinasamband
Erla
„Hamingja hundsins byggir á skilningi eigandans. Með því að kenna fólki að lesa og skilja þarfir hundsins og hvernig hann lærir, sköpum við traustan vinskap og farsælt samlíf.“
Sara Sif Sigfúsdóttir
Hundasnyrting og þjálfun
Sara er bæði hundasnyrtir og þjálfari sem brennur fyrir því að hjálpa óöruggum hundum að upplifa vellíðan og öryggi. Hún hefur lokið námi í hundaþjálfun og atferlisfræði og er meðlimur í International Association of Canine Professionals (IACP). Öll hennar nálgun mótast af djúpri virðingu, þolinmæði og jákvæðni.
Expertise
- Hundasnyrting
- Hundaþjálfun
- Stuðningur við hunda sem glíma við kvíða
- Uppbygging á sjálfstrausti hjá hundum
Sara Sif
„Allir hundar eiga skilið að finna til öryggis. Með þolinmæði og jákvæðri styrkingu geta jafnvel óöruggustu hundar byggt upp raunverulegt sjálfstraust.“
Vilhjálmur Þór Gunnarsson
Hlýðni, þjálfun og hegðun
Villi leggur áherslu á að finna nákvæmlega hvað drífur hvern hund áfram í vinnu. Hann trúir því að sérhver hundur geti blómstrað fái hann rétta leiðsögn og sanna hvatningu. Hans sérsvið er hlýðni og hegðun þar sem hann nýtir menntun sína til að greina stöðuna og móta réttu lausnina sem hentar teyminu. Hjá Villa snýst þjálfunin um faglegan metnað og raunverulega vinnugleði þar sem áherslan er alltaf á að byggja hundinn upp. Markmiðið er einfalt: að móta fullkominn félaga sem elskar að vinna með þér.
Expertise
- Fræðileg þekking og atferlisgreining
- Fjölbreytt námskeið (hvolpa, grunn og framhald)
- Hlýðniþjálfun og keppnisundirbúningur
- Einkatímar og lausnamiðuð ráðgjöf
Villi
„Þjálfun á að vera skemmtileg. Með því að nota jákvæða hvatningu og skýr samskipti sköpum við umhverfi þar sem hundurinn hreinlega elskar að vinna með okkur.“
Sara Rut Sigurðardóttir
Streita, merki og styrktarþjálfun
Sara Rut brennur fyrir því að aðstoða hunda sem glíma við kvíða og streitu. Hún sérhæfir sig í líkamsmáli og merkjum hunda, ásamt markvissri styrktarþjálfun sem byggir upp líkamlegt og andlegt jafnvægi. Með því að kenna fólki að lesa hundinn sinn og skilja vísbendingar hans gefur hún eigendum hagnýt verkfæri og þekkingu sem breytir hversdeginum og eykur lífsgæði hundsins.
Expertise
- Streitustjórnun og stuðningur við kvíðafulla hunda
- Greining á líkamsmáli og samskiptamerkjum
- Styrktarþjálfun og líkamlegt uppbygging
- Hagnýt verkfæri og fræðsla fyrir hundaeigendur
Sara Rut
„Þegar við lærum að skilja fínlegu merkin í tjáningu hundsins og byggjum upp líkamlegan styrk hans, sköpum við meira öryggi. Lykillinn að vellíðan hundsins er eigandi sem skilur tungumál hans og veitir honum réttan stuðning.“
Stefanía Björgvinsdóttir
Sýningarþjálfun og framkoma
Stefanía hóf sýningarferilinn árið 2001 í flokki ungra sýnenda, og síðan þá hefur hún sýnt fjölbreyttar tegundir með glæsilegum árangri og öðlast víðtæka reynslu í sýningarheiminum. Á undanförnum tíu árum hefur hún einnig þjálfað sýnendur, þar sem hún leggur sérstaka áherslu á sjálfsöryggi þeirra og á að byggja upp sterka samvinnu milli sýnanda og hunds.
Expertise
- Sýningarþjálfun og framkoma í hringnum
- Uppbygging á sjálfsöryggi og sjálfstrausti sýnenda
- Leiðsögn fyrir nýliða jafnt sem vana sýnendur
Stefanía
„Árangur í sýningarhringnum krefst meira en fallegrar uppstillingar. Hann byggir á tækni, eins og réttum hlaupastíl og framkomu, en umfram allt á traustu samstarfi. Þegar sýnandi geislar af öryggi og vinnur í fullkomnum takti við hundinn sinn næst raunverulegur árangur.“
Sandra
Líkamleg vellíðan, sjúkraþjálfun og osteópatía
Sandra styður við líkamlega líðan, hreyfigetu og almenna heildarvellíðan hunda. Hún lauk fimm ára námi frá European School of Osteopathy og býr yfir víðtækri reynslu í bæði sjúkraþjálfun og heildrænni greiningu á stoðkerfisvanda. Með því að nýta nýjustu meðferðaraðferðir og sækja alþjóðlega endurmenntun tryggir hún að hundarnir fái alltaf bestu mögulegu umönnun. Með nákvæmri og persónulegri nálgun hjálpar hún hundum að ná betri líðan og kennir eigendum hvernig þeir geta sjálfir stutt við heilsu þeirra dag frá degi.
Expertise
- Sjúkraþjálfun hunda
- Osteópatía og heildræn greining
- Hreyfigeta og stoðkerfi
- Endurheimt og vellíðan eftir álag
Sandra
„Líkami og andleg líðan hundsins eru órjúfanleg heild. Með því að styðja markvisst við líkamlega heilsu og kenna eigendum að gera slíkt hið sama heima hjálpum við hundinum að hreyfa sig betur, líða betur og eiga hamingjuríkara líf dags daglega.“
Aukin sérþekking þegar á þarf að halda
Hundakúnst vinnur einnig með gestakennurum sem koma með aukna sérþekkingu og alþjóðlega sýn inn í valin námskeið og vinnustofur hjá okkur.
Hilde Ulvatne Marthinsen
Hilde býr yfir áratuga reynslu í hundaþjálfun. Hún aðstoðar hundaeigendur af mikilli fagmennsku og byggir nálgun sína alltaf á traustum, skipulögðum og þekkingarmiðuðum grunni.
Ann Katrin
Ann Katrin styður við hunda með djúpri þekkingu á hreyfingu, líkamsbeitingu og virkni. Hún aðstoðar eigendur við að skilja mikilvægi líkamlegrar heilsu fyrir daglega vellíðan hundsins.
Emmanuel Hetych
Emi er einn fremsti hundaþjálfari í heimi og náði 12. sæti á heimsmeistaramótinu í hlýðni. Hann brennur fyrir því hvernig hundar læra og nýtir kenningar til að gera þjálfunina sem skilvirkasta.
Hver og einn hjá Hundakúnst býr yfir sinni sérþekkingu en sömu gildin stýra starfinu: virðing fyrir dýrum og sú trú að með því að fræða og styðja við eigendur sköpum við grundvöllinn að aukinni velferð og hamingju hunda.
Viltu skilja hundinn þinn betur?
Skoðaðu námskeiðin okkar, kynntu þér teymið eða hafðu samband ef þú ert óviss hvar skuli byrja. Við hjálpum þér að finna rétta næsta skrefið fyrir þig og hundinn þinn.