Hvolpanámskeið hjá Hundakúnst er hannað til að leggja góðan grunn fyrir heilbrigt og hamingjuríkt líf hvolpsins þíns. Með áherslu á jákvæða styrkingu, hjálpum við þér að byggja upp traust og skýra samskipti við hvolpinn þinn strax frá byrjun.
Af hverju að velja hvolpanámskeið?
Hvolpanámskeið er ómissandi fyrir alla sem vilja tryggja að hvolpurinn þeirra byrji lífið með jákvæðum, skemmtilegum og árangursríkum hætti. Þjálfun okkar byggir á vísindalegum aðferðum og stuðlar að sterku sambandi milli eiganda og hvolps.
Hvað lærir þú á námskeiðinu?
Á hvolpanámskeiði hjá Hundakúnst lærir þú hvernig á að kenna hvolpinum grunnæfingar sem nýtist ykkur vinunum út lífið. Kennsluaðferðir okkar byggja á jákvæðri styrkingu sem gerir námsferlið skemmtilegt bæði fyrir þig og hvolpinn.
Ávinningur af jákvæðri styrkingu
Við notum eingöngu jákvæða styrkingu sem þjálfunaraðferð, sem skapar traust, eykur sjálfstraust og stuðlar að hamingjuríku sambandi. Hundar sem læra með jákvæðri styrkingu sýna fram á betri hegðun og langtíma hlýðni.
Sérsniðin þjálfun fyrir hvern hvolp
Við leggjum áherslu á að hver hvolpur sé einstakur og námskeiðið okkar er aðlagað að þörfum hvers og eins. Hvort sem þú ert að leita að grunntækni eða sértækari þjálfun í framtíðinni, þá mun hvolpanámskeiðið okkar hjálpa þér og hvolpinum þínum að ná árangri.
Skráðu þig í dag!
Við byrjum um það bil 2 grunnnámskeið í hverjum mánuði. Skráðu þig á næsta námskeið og komdu hvolpinum þínum af stað á réttum nótum! Strax við skráningu færðu aðgang að netnámskeiði!
Um leið og þú skráir þig færð þú aðgang að ítarlegum myndböndum sem sýna skref fyrir skref hvernig við getum kennt hvolpinum okkar. Þannig getur þú byrjað strax í dag og mætt vel undirbúin/undirbúinn í fyrsta tíman með hvolpinn þinn
Frábært námskeið fyrir orkumikinn hvolp sem þarf góðann aga. Við lærðum alveg helling af hvolpanámskeiðinu.
Sterkt togdót. Hef aðeins notað við þjálfun og stefni að því að nota meira.
Dagvistunin er svo mikil snilld!
Hundarnir eru hver á sínum stað og svo þjálfaðir einn í einu af frábærum hundaþjálfara! Þeir eru ekki allir saman lausir í einhverjum hamagangi heldur er þetta fyrst og fremst þjálfun og ró þess á milli! Okkar voffalingur er allavega hæstánægður með davistunina og við sjáum vel hvað þetta hjálpar við hlýðniþjálfun og hegðun dagsdaglega hjá honum ❤️❤️
Við erum virkilega ánægð með hundaskólann og þjónustuna þar. Teddi hefur verið í dagvist og þjálfun einu sinni í viku og elskar að mæta – hann hleypur inn með gleði og er tregur að fara heim, sem segir allt sem segja þarf. Þjálfunin hefur gengið mjög vel, og við finnum hvað það skiptir miklu máli að hafa aðgang að góðum hundaþjálfurum. Við ákváðum að skrá hann aftur á námskeiðið strax eftir að það kláraðist því reynslan var svo góð og við munum halda áfram svo lengi sem það er í boði. Við treystum skólanum algjörlega og mælum heilshugar með honum fyrir alla hundaeigendur sem vilja fá bestu mögulegu umönnun og þjálfun fyrir hundinn sinn!
Við Bella mín fórum á grunnnámskeið, hún þá 4-5 mánaða og ég aðeins eldri, námskeiðið er af mínu mati nauðsynlegur grunnur í þjálfuninni síðar meir. Atriði eins og sterkt innkall, taumganga og fleira sem hefur reynst okkur afskapleg vel í praxis. Mér fannst sambandið okkar styrkjast og byggja á mun meira trausti í báðar áttir enda ég án efa mun meðvitaðri um mínar þjálfunaraðferðir og hvað þykir sanngjarnt og hvað ekki.
Mæli100% með!
Frábært fyrir þá sem vilja fá meiri eftirfylgni í þjálfuninni, það eina sem ég átti erfitt með var að muna að taka upp og setja inn myndböndin, en Villi er mjög góður í að brjóta niður það sem hann sér og að gefa leiðbeiningar um hvernig maður getur gert betur og komist lengra
Ég og hundurinn minn Halli fórum á námskeið hjá Hundakúnst. Halli er ekki nema eins árs og óvanur öðrum hundum svo hann átti erfitt með sig en þjálfarinn var svo fagleg og hafði svo greinilega þekkingu á því sem hún var að gera.
Við erum ægilega ánægð með grunnnámskeiðið. Veitir okkur betri skilning á hundinum og betra samband við hann líka.
Var á grunnnámskeiði með 4mánaða hundinn minn og lærði helling. Mjög fagleg og virðingaríkt námskeið þar sem vellíðan hundsins er í fyrirrúmi.
Mjög góð kennsla og skýrar leiðbeiningar.
Fer klárlega í áframhaldandi námskeið í framtíðinni 👏
Frábært námskeið þar sem Villi fór vel yfir grunnatriði hunda þjálfunar og mikilvægar grunnæfingar og nýtingu þeirra. Við Askja býðum spenntar eftir næsta námskeiði og æfum okkur við hvert tækifæri þangað til.
Kom með 13 vikna hvolp á fyrsta, og ólíklega síðasta námskeiðið hjá Villa í Hundakúnst. Var dálítið hugsi þar sem um jafn stutt námskeið var að ræða hverju það myndi skila. Vissulega á það eftir að koma í ljós og hvílir alfarið á minni vinnu í framhaldinu. Hitt er víst að mjög góður grunnur var lagður á námskeiðinu sem var hnitmiðað og gefnar mjög góðar,maður á mann, leiðbeiningar um þær grunn æfingar sem farið var í. Stefni að því að sækja lengra námskeiðið þegar færi gefst. Myndi ekki hika við að keyra aftur frá Akureyri til Sauðárkróks fyrir það😃
Mjög gott að hafa myndbönd sem sýnir hvernig á að nýta sér klikkerinn.
Mér fannst þetta örnámskeið mjög fræðandi og þó það væri ekki langt þá hjálpaði það mér til að vinna með tíkinni minni.
Þetta var fróðlegt og skemmtilegt. Lærðum helling og ætlum að halda áfram að æfa okkur😁
Ég og Týri skelltum okkur á helgarnámskeið sem var alveg magnað mér hefði ekki dottið í hug hvað er hægt að kenna hundinum og ná athygli hans fljótt Villi er alger snillingur og góður leiðbeinandi Týri er allt annar hundur finnst hann vera öruggari með sig og bara nokkuð skemmtilegt að fara með hann í göngutúr en hann á margt ólært. Takk fyrir okkur Kv Kristín og Týri
Þetta var mjög lærdómsríkt og á eftir að hjálpa mér ekkert smá mikið þegar kemur að því að þjálfa hundinn minn. Leiðbeinandinn var mjög hjálplegur og skemmtilegur, þótt að þetta hafi verið stuttur tími þá eru þessar leiðbeiningar eitthvað sem að ég á eftir að nota með hundinn minn núna og alla mína hunda í framtíðinni.
Takk kærlega fyrir mig og hundinn minn.
Námskeiðið var snilld ! Góður fræðilegur grunnur og vel útskýrðar æfingar. Góð persónuleg aðstoð við að ná tökum á hundinum sínum og æfingunum.
Mjög góð fræðsla og kennsla hjá Villa. Gaf hverjum og einum góðan tíma og þolinmæði. Lærði svo mikið og nú er að æfa það. Væri svo mikið til í framhald eftir nokkra mánuði. Millý mín 3ja man lærði helling og við báðar.
Mæli 100% með. Takk fyrir mig og Millý
Þetta voru æðislegar æfingabúðir frábært fólk og þjálfarar. Lærðum svo mikið og höfðum mjög gaman. Verðum klárlega 2025.
Missti af 2023, tóku þátt 2024 og ætlum ekki að missa af 2025 🥳.
Það er ekkert skemmtilegra enn að vinna með besta vin sinn í skemmtilegan hóp af hundafólki með frábæra kennarar.
Og það 5 dagar í röð 😍 Get ekkert annað enn að mæla 1000% með.
Frábært námskeið sem við lærðum helling á. Bæði fengum við verkfæri til að styrkja hundinn og okkur sjálf sem eigendur. Fengum einnig góða leiðsögn um ýmislegt sem við vildum fræðast um til að verða enn betri hundaeigendur. Mæli eindregið með fyrir bæði nýja og gamla hundaeigendur þar sem margt kemur fram sem maður bara áttar sig ekki á fyrren maður heyrir það útskýrt vel :)
