Frá hvolpi að stjörnu
Frá hvolpi að stjörnu
Hvolpanámskeið/hundanámskeið fyrir þá áhugasömu
Þú færð:
- 6 verklegir tímar
- 1,5 klst hver tími
- Fáir nemendur (6) fyrir persónulega kennslu
- Bóklegt efni á netinu
- Endurgjöf á myndbönd á milli tíma
Námskeiðið undirbýr hvolpinn/hundinn í hæðstu flokka hlýðniprófa, en hvort sem þú vilt keppa eða finnst einfaldlega gaman að vinna með hundinum þá er þetta námskeið fyrir þig.
Ungir hvolpar geta lært flest grunnatriði sem að verða að flóknum æfingum síðar meir. Grunnæfingar eru eins og stafur á meðan æfingar eru orðið. Ef hvolpurinn eða hundurinn kann stafina þá verður orðið einfalt þegar þar að kemur. Grunnæfingar eru einnig mikilvægur þáttur í því að fá fókusaðan hund sem finnst gaman að æfa með þér.
Allir hundar og hvolpar frá 12 vikna aldri sem hafa verið bólusettir geta komið á námskeið. Við notum jákvæðar þjálfunaraðferðir og umbun og hjálpum þér þannig að búa til sterkt samband og gagnkvæmt traust manns og hunds.
Námið skiptist í bóklegt nám sem fer fram á netinu og verklegt nám. Verklega námið er á tveggja vikna fresti og heimavinna á milli. Í verklegum tímum æfir helmingurinn og helmingurinn hvílir.
Námskeiðið skiptist í verklegt og bóklegt
Verklegt:
Allir verklegir tímar byrja á því að gera þær æfingar sem voru settar fyrir sem heimavinna og svo 2-3 nýjar æfingar sem að verða heimavinna fyrir næsta tíma. Farið verður yfir:
- Verðlaun og verðlaunamerki búin til
- Mismunandi target
- Afturendaæfingar/líkamsvitund
- Taka upp og sleppa
- Sækja og koma hratt
- Hlaupa í kring
- Hliðarskref
- Bendingar (hægri, vinstri og fram)
- Hælstaða
- Lyktarmismunun
Bóklegt:
Bóklegi hlutinn fer fram á netinu í formi fyrirlestra en einnig verða þessi atriði rædd þegar við hittumst. Bóklegi hlutinn inniheldur meðal annars:
- Grunnæfingar vs æfingar vs program
- Verðlaun
- Verðlaunamerki
- Mismunandi þjálfunaraðferðir
- Að plana æfingu
Aukaefni:
- Hvað er að læra
- Hvernig læra hundar
- Félagsmótun og umhverfisþjálfun
- Tenging manns og hunds
Almennt
Hundakúnst áskilur sér rétt til að hætta við námskeið, pantanir eða hverskonar sölu, vegna t.d. rangra verðupplýsinga, ónægrar þáttöku á námskeiðum eða annara ástæðna. Áskilinn er réttur til að staðfesta pantanir símleiðis.
5 dögum eftir að krafa kemur í heimabanka og/eða eftir eindaga fer hún sjálfkrafa í innheimtu hjá Inkasso hafi viðskiptavinur ekki haft samband og samið um annað.
Vöruverð og sendingarkostnaður
Öll verð í vefverslun eru endanleg verð nema annað sé sérstaklega tekið fram, og innihalda þar af leiðandi 24% vsk þar sem við á og önnur vörugjöld.
Afskráning
Láti viðskiptavinur vita með þriggja vikna fyrirvara (námskeið) eða 24 klst fyrirvara (einkatími) að viðkomandi vill hætta við er veitt full endurgreiðsla. Skrái viðskiptavinur sig á námskeið með skemmri fyrirvara er ekki veitt endurgreiðsla.
Undantekningar á þessari reglu koma fram á kynningarsíðu námskeiðsins, t.d. ef að um sérnámskeið er að ræða.
Trúnaður
Seljandi heitir kaupanda fullum trúnaði um allar upplýsingar sem hann gefur upp í tengslum við viðskiptin. Upplýsingar verða ekki undir neinum kringumstæðum seldar til þriðja aðila.
Um allar persónuupplýsingar verður farið samkvæmt lögum nr. 90/2018 um persónuvernd.
Lög og varnarþing
Samningur þessi er í samræmi við íslensk lög. Rísi mál vegna hans skal það rekið fyrir Héraðsdómi Reykjavikur.
Customer Reviews
Frábært námskeið sem við lærðum helling á. Bæði fengum við verkfæri til að styrkja hundinn og okkur sjálf sem eigendur. Fengum einnig góða leiðsögn um ýmislegt sem við vildum fræðast um til að verða enn betri hundaeigendur. Mæli eindregið með fyrir bæði nýja og gamla hundaeigendur þar sem margt kemur fram sem maður bara áttar sig ekki á fyrren maður heyrir það útskýrt vel :)
Flott námskeið sem fer vel yfir þjálfunar leiðir og uppbyggingu a æfingum
Frábært námskeið fyrir þá sem vilja taka sín fyrstu spor í keppnishlýðniþjálfun. Grunnæfingar sem nýtast líka í daglegu lífi.
Gaman að sjá nýjar og öðruvísi aðferðir til þess að ná til hundsins þíns. Ég sem hundaeigandi var miklu öruggari að ég væri að gera rétt eftir þetta námskeið. Yfirvegaður og rólegur þjálfarinn.