Vantar þig hundaþjálfara?
Hvort sem taumurinn strekkist í hverjum göngutúr, hvolpurinn er nýkominn heim eða ykkur langar einfaldlega lengra saman, þá hjálpa þjálfararnir okkar ykkur að finna réttu leiðina, með jákvæðri styrkingu.
Hvernig velur þú réttan hundaþjálfara
Það skiptir máli hver heldur á hinum enda taumsins. Þrjú atriði sem vert er að skoða áður en þú velur þjálfara, sama hvort það erum við eða einhver annar.
Aðferðirnar skipta öllu
Veldu þjálfara sem notar jákvæða styrkingu. Rannsóknir sýna að harðar refsingar skila engum ávinningi umfram verðlaunaþjálfun og geta gert hegðunarvanda verri. Tal um foringja eða alfa hunda er úrelt og ætti að vera viðvörunarmerki.
Spurðu um reynslu og sérsvið
Ólík verkefni kalla á ólíka reynslu. Góður þjálfari segir þér hreint út hvað hann kann best og vísar annað ef verkefnið á betur heima þar.
Góður þjálfari þjálfar ykkur bæði
Markmiðið er ekki að þjálfarinn nái árangri með hundinn þinn, heldur að þú getir haldið áfram sjálf eða sjálfur heima. Þú átt að fara af hverjum tíma með verkfæri í höndunum.
Leiðirnar sem við bjóðum
Öll námskeið
Einkatímar
Þú og hundurinn fáið alla athyglina. Við greinum stöðuna, setjum skýr markmið og förum strax í æfingar sem þið haldið áfram með heima. Hjá okkur eða heima hjá þér.
Þjálfun og dagvist
Hundurinn æfir og lærir hjá okkur á meðan þú ert í vinnunni. Fimm vikna tímabil með markvissri þjálfun, virkni og hvíld.
Einkatímar á netinu
Fyrir landsbyggðina, útlönd eða eftirfylgni á milli tíma. Sama persónulega leiðsögnin í gegnum Zoom.
Grunnnámskeið
Viltu frekar byrja í hóp? Grunnnámskeiðið leggur traustan grunn fyrir hvolpa og fullorðna hunda í litlum hópi.
Sex þjálfarar, hvert með sitt sérsvið
Frá hegðun og hlýðni yfir í sýningarþjálfun og sjúkraþjálfun. Þjálfararnir okkar hafa samanlagt yfir 20 ára reynslu og þú getur kynnt þér hvert og eitt þeirra á teymissíðunni okkar.
Fleiri tímar, betra verð
Þrír tímar veita 10% afslátt, fimm tímar 15% og tíu tímar 20%. Grunnnámskeiðið á netinu fylgir frítt með þriggja og fimm tíma pökkum, svo þið getið æft á milli tíma.
Hvað segja hundaeigendur
Ég hef farið á hvolpa og hundanámskeið áður svo ég get sagt með fullvissu að námskeiðin hjá Hundakúnst eru eitthvað annað. Nú hafa augu mín galopnast og ég er orðin svo ástríðufull gagnvart því að kenna og þjálfa hundana mína.
Mætum núna fólki og hundum í taumgöngu sem við gerðum ekki áður. Hundurinn og eigendur alsælir.
Mæli með þessu námskeiði fyrir alla hunda.
Algengar spurningar um hundaþjálfara
Hvenær þarf ég hundaþjálfara?+
Fyrr en flestir halda. Það er miklu auðveldara að vinna með hegðun áður en hún festist í sessi, svo ef eitthvað í samverunni veldur togstreitu eða óöryggi er rétti tíminn núna. Þú þarft heldur ekki vandamál til að koma, margir nýta einkatíma einfaldlega til að ná lengra með hundinn sinn.
Hvað kostar hundaþjálfari?+
Einn einkatími, 60 til 90 mínútur, kostar 20.000 kr. Þrír tímar kosta 54.000 kr, fimm tímar 76.500 kr og tíu tímar 144.000 kr, og grunnnámskeiðið á netinu fylgir frítt með þriggja og fimm tíma pökkum.
Hvernig vel ég réttan hundaþjálfara?+
Spurðu fyrst um aðferðir. Þjálfun á að byggja á jákvæðri styrkingu, því rannsóknir sýna að refsingar skila engum ávinningi umfram verðlaunaþjálfun og geta gert vandann verri. Spurðu líka um reynslu og sérsvið, og veldu þjálfara sem hlustar á ykkur bæði og kennir þér að halda áfram sjálf eða sjálfur.
Komið þið út á land?+
Já. Við höldum reglulega námskeið á Sauðárkróki, Akureyri og Egilsstöðum, og einkatímar á netinu í gegnum Zoom virka hvar sem þú býrð. Ef þú vilt fá okkur í þína heimabyggð, sendu okkur línu.
Hver er munurinn á einkatímum og námskeiði?+
Í einkatímum fáið þið alla athyglina og unnið er með ykkar verkefni á ykkar hraða. Á námskeiði byggið þið grunninn í litlum hópi á föstum tímum. Margir byrja á námskeiði og bæta einkatímum við þegar þau vilja vinna með eitthvað sérstakt.
Getur hundaþjálfari hjálpað hundi sem er hræddur eða bregst illa við öðrum hundum?+
Já. Einkatímar henta sérstaklega vel fyrir hrædda hunda og hunda sem bregðast illa við áreiti, því unnið er með einn hund í einu, án félagslegs þrýstings og á hraða sem hundurinn ræður við. Við setjum raunhæf markmið með þér frá fyrsta tíma.
Finnum réttu leiðina fyrir ykkur
Fyrsti tíminn er ekki bara spjall. Þið farið heim með æfingar og plan sem virkar strax.
Bóka einkatíma