Nosework 1 - Framhald

Er þinn hundur kominn á bragðið? Þá er kominn tími til að kafa dýpra í einu af því skemmtilegasta sem þú gerir með hundinum þínum (því hann ELSKAR að þefa)!

Á þessu framhaldsnámskeiði í Nosework byggjum við ofan á það sem þið lærðuð í grunnnámskeiðinu og færum leikinn á næsta stig. Við æfum bæði utanhús- og farartækjaleit og kynnumst hvernig veður, vindur og hitastig geta haft áhrif á það hvernig lykt berst og hvernig við getum nýtt þá þætti okkur í hag.

Við skoðum leitarhegðun hvers hunds, hvernig hann gefur merki um að hann hafi fundið lyktina og hvernig við getum styrkt og fínstillt þessa hæfni.

Hvort sem þú sérð fyrir þér að keppa í framtíðinni eða ert einfaldlega að leita að góðri leið til að hjálpa hundinum þínum að einbeita sér í krefjandi aðstæðum þá er þetta námskeið fyrir ykkur. Nosework er nefnilega meira en leikur – það er verkfæri til að efla sjálfstraust, styrkja tengsl og skapa rútínu í óreiðu dagsins.

Upplýsingar:

• Forkröfur: Hundar þurfa að hafa lokið Nosework 1 eða þekkja lykt (Eukalyptus)

• Farið er yfir:

  • Utanhúsleit

  • Ökutækjaleit

  • Áhrif veðurs, vinds og hitastigs

  • Merkjagjöf hunda og hvernig á að styrkja hana

  • Reglur og aðferðir fyrir keppnir og/eða þjálfun í krefjandi aðstæðum