Sýninganámskeið
Ertu að byrja að sýna eða ert forvitin/forvitinn um sýningarheiminn?
Hvort sem þú ert að velta því fyrir þér hvernig sýningar virka eða ert að undirbúa þig og hundinn þinn fyrir þína fyrstu sýningu, þá er þetta námskeiðið sem hjálpar þér að komast af stað með sjálfstraust og gleði.
Námskeiðið hentar bæði hvolpum og fullorðnum hundum – því aldrei er of snemmt (eða of seint!) að læra að skína í hringnum.
Kennarinn á námskeiðinu er Stefanía Björgvinsdóttir en hún hefur sýnt og þjálfað sýningahunda í um 25 ár með mjög góðum árangri.
Við vinnum í smáum hópi, aðeins 6 hundum í senn, sem tryggir persónulega leiðsögn og rólegt andrúmsloft þar sem hver hundur og eigandi fá tíma og rými til að vaxa saman sem teymi.
Á námskeiðinu lærir þú meðal annars:
- Hvernig sýningar fara fram og hvert markmið þeirra er
- Grunnaðgerðir og sýningarrútínur
- Rétta uppstillingu og sýningarstöðu
- Hvernig dómari skoðar hundinn
- Líkamsbeitingu og tjáningu sýnanda
- Hlaupa - og göngustíl í hringnum
- Allt það helsta sem við kemur sýningum
Almennt
Hundakúnst áskilur sér rétt til að hætta við námskeið, pantanir eða hverskonar sölu, vegna t.d. rangra verðupplýsinga, ónægrar þáttöku á námskeiðum eða annara ástæðna. Áskilinn er réttur til að staðfesta pantanir símleiðis.
5 dögum eftir að krafa kemur í heimabanka og/eða eftir eindaga fer hún sjálfkrafa í innheimtu hjá Inkasso hafi viðskiptavinur ekki haft samband og samið um annað.
Vöruverð og sendingarkostnaður
Öll verð í vefverslun eru endanleg verð nema annað sé sérstaklega tekið fram, og innihalda þar af leiðandi 24% vsk þar sem við á og önnur vörugjöld.
Afskráning
Láti viðskiptavinur vita með þriggja vikna fyrirvara (námskeið) eða 24 klst fyrirvara (einkatími) að viðkomandi vill hætta við er veitt full endurgreiðsla. Skrái viðskiptavinur sig á námskeið með skemmri fyrirvara er ekki veitt endurgreiðsla.
Undantekningar á þessari reglu koma fram á kynningarsíðu námskeiðsins, t.d. ef að um sérnámskeið er að ræða.
Trúnaður
Seljandi heitir kaupanda fullum trúnaði um allar upplýsingar sem hann gefur upp í tengslum við viðskiptin. Upplýsingar verða ekki undir neinum kringumstæðum seldar til þriðja aðila.
Um allar persónuupplýsingar verður farið samkvæmt lögum nr. 90/2018 um persónuvernd.
Lög og varnarþing
Samningur þessi er í samræmi við íslensk lög. Rísi mál vegna hans skal það rekið fyrir Héraðsdómi Reykjavikur.